1. UMUMIY QOIDALAR
1.1. O'zbekiston Respublikasi Fuqarolik kodeksining 367-moddasiga ko'ra, bir yoki bir necha muayyan shaxsga yuborilgan, yetarli darajada aniq bo'lgan va taklifni kiritgan shaxsning o'zini taklif yo'llangan hamda uni qabul qiladigan shaxs bilan shartnoma tuzgan deb hisoblash niyatini ifoda etadigan taklif oferta hisoblanadi.
1.2. Mazkur oferta quyidagi shartlar asosida jismoniy shaxslarga Tashkilotchi bilan shartnoma tuzish uchun umumiy foydalanish maqsadida joylashtirilgan.
1.3. O'zbekiston Respublikasi Fuqarolik kodeksining 370-moddasi 4-qismiga muvofiq ushbu ommaviy ofertada ko'rsatilgan shartlarni akseptlash (qabul qilish) bu Ishtirokchi tomonidan maxsus sayt (platforma)da ro'yxatdan o'tish (ariza topshirish) yoki saralash bosqichi uchun to'lovni amalga oshirish ushbu Ofertaning to'liq va so'zsiz qabul qilinishi (aksept) hisoblanadi.
1.4. Ofertani qabul qilish ushbu ofertada belgilangan shartlar asosida yozma shaklda shartnoma tuzishga tengdir.
1.5. Ishtirokchi va Tashkilotchi o'rtasida mazkur oferta shartlari qabul qilingan paytdan boshlab tomonlar ushbu shartnoma bo'yicha o'z majburiyatlarini to'liq bajargunga qadar shartnoma tuzilgan hisoblanadi.